AMBISI SAJRONE CERBUNG REBAB GADHING ANGGITANE AL ARIS PURNOMO (TINTINGAN PSIKOLOGI KAPRIBADEN LUDWIG KLAGES)

Abstract

Cerbung Rebab Gadhing anggitane Al Aris Purnomo, nuduhake ambisi ana ing perangan temperamen sanguinise paraga. Ambisi kang tuwuh sajrone pribadine paraga dijalari saka, obsesi, pepenginan kang kuwat dibarengi pangrasa kanggo nggayuh samubarang sing positip, kabeh kasebut didhasari saka temperamen sanguinis kang diduweni dening paraga kasebut. Klages mbangun telung modhel system kapribaden, yaiku, temperamen, pangrasa, lan daya ekspresi. Katelu sistem kasebut babagan kang paling onjo yaiku Temperamene paraga kang sanguinis kang mujudake ambisi becik amarga ketambahan pangrasa kang ana sajrone pribadine paraga. Adhedhasar kasebut cundhuk karo konsep Henry Murray kang nengenake ambisi luwih mligi. Adhedhasar andharan kasebut underan panliten iki yaiku, (1) kepriye struktur kapribadene paraga sajrone cerbung Rebab Gadhing anggitane Al Aris Purnomo?, (2) kepriye wujud ambisi paraga sajrone cerbung Rebab Gadhing anggitane Al Aris Purnomo?, (3) kepriye akibat saka ambisine paraga sajrone cerbung Rebab Gadhing anggitane Al Aris Purnomo?. Adhedhasar underan panliten kasebut, mula ancase panliten iki yaiku, (1) ngandharake struktur paraga sajrone cerbung Rebab Gadhing anggitane Al Aris Purnomo, (2) ngandharake wujud ambisi paraga sajrone cerbung Rebab Gadhing anggitane Al Aris Purnomo, (3) ngandharake akibat saka ambisine paraga sajrone cerbung Rebab Gadhing anggitane Al Aris Purnomo.Panliten iki kalebu wujud panliten dheskriptif kualitatif. Teknik pangumpulaning dhata iki nggunakake teknik maca lan nyathet, banjur maca sumber dhata lan nyathet tembung-tembung utawa ukara sing laras lan trep karo underaning panliten. Sumber panliten kang digunakake yaiku cerbung Rebab Gadhing anggitane Al-Aris Purnomo. Tata cara pangolahe dhata kanthi teknik maca lan ngerteni, nemtokake kedadeyan-kedadeyan lan nglumpukake dhata panliten. Dhata ditintingi nggunakake analisis dheskriptif. Teori kang digunakake yaiku teori psikologi sastra, mligine teori kapribaden Ludwig Klages.Asiling panliten yaiku nuduhake maneka struktur kapribadene paraga kang nandang temperamen sanguinis, pangrasa lan daya ekspresi kang dhuwur, mujudake tumindak sing ora gampang pasrah, sipat gampang katarik samubarang liya, aktip, gampang percaya, uga nandang pangrasa tresna, banjur struktur Temperamen sanguinis mau, nuwuhake problem kapribaden awujud ambisi, wujud ambisine paraga yaiku ambisi mangerteni wujud asline rebab gadhing , ambisi urip mulya, lan ambisi nyambung paseduluran. Akibat becik saka ambisine paraga yaiku pamikiran optimis, greget, sregep, lincah, bekti lan wigati.Tembung-tembung wigati: temperamen, sanguinis, ambisi, lan kapribaden.PURWAKAAmbisi sanyatane dudu samubarang kang ala, ana ambisi