AMBISI SAJRONE NOVEL ONTRAN - ONTRAN SARINEM ANGGITANE TULUS S (TINTINGAN PSIKOLOGI KAPRIBADEN LUDWIG KLAGES)

Abstract

Sakabehe manungsa mesthi nduweni pepenginan. Pepenginan kang kuwat kanggo nggayuh kasuksesan diarani ambisi. Novel kanthi irah-irahan Ontran-ontran Sarinem nyritakake lelakone paraga utama kanggo nggayuh ambisine. Ambisi kasebut tuwuh amarga kedadeyan kang ora nyenengake. Paraga utama wanita sajrone novel iki kepengin ngowahi panguripane supaya bisa mulya. Adhedhasar landhesan kasebut, underan panliten saka panliten iki yaiku: (1) kepriye struktur kapribaden sajrone novel Ontran-ontran Sarinem anggitane Tulus S, (2) kepriye wujud ambisi sajrone novel Ontran-ontran Sarinem anggitane Tulus S, (3) kepriye upaya paraga kanggo nggayuh ambisine sajrone novel Ontran-ontran Sarinemanggitane Tulus S. Tujuwan saka panliten iki yaiku ngandharake (1) struktur kapribaden (2) wujud ambisi (3) upaya paraga kanggo nggayuh ambisi sajrone novel kanthi irah-irahan Ontran-ontran Sarinem anggitane Tulus S. Dene paedah saka panliten iki yaiku nambahi kawruh tumrap pamaca sarta asile paniten iki diajab bisa kanggo tetandhingan panliten sabanjure. Teori kang digunakake sajrone panliten iki yaiku teori psikologi kapribaden Ludwig Klages. Panliten iki klebu panliten kuwalitatif kang nggunakake metodhe dheskriptif kualitatif. Sumber panliten kang digunakake yaiku dhata primer kang arupa novel Ontran-ontran Sarinem anggitane Tulus S, dene dhata sekunder yaiku teori kang bakal digunakake kanggo nintingi novel kasebut yaiku teori psikologi kapribaden Ludwig Klages. Dhata panliten iki yaiku

tembung lan ukara sajrone novel Ontran-ontran Sarinem anggitane Tulus S. Dene tata cara nglumpukake dhata yaiku kanthi teknik pustaka, teknik maca, lan teknik cathet. Asil saka panliten iki kaperang dadi telu, kapisan yaiku struktur kapribaden miturut teori psikologi kapribadene Ludwig Klages yaiku temperamen, pangrasa, lan daya ekspresi. Kapindho yaiku wujud ambisi paraga utama yaiku urip mulya. Ambisi kasebut diwujudake kanthi cara ngangkat drajate lan ngolehake sesandhingan kang mapan. Katelu, upaya paraga utama kanggo nggayuh ambisine. Upaya kasebut ana papat yaiku sregep, pangurbanan, kendel, lan ora gampang mundur.

Tembung wigati: temperamen, sipat, ambisi, lan kapribaden.