NILAI MORAL SAJRONE WACAN BOCAH FABEL ING KALAWARTI JAYA BAYA LAN DJAKA LODANG TAUN 2017

Abstract

Wacan bocah kang nyritakake ngenani kewan (fabel) isih digandrungi dening para bocah. Nilai moral kinandhut sajrone
wacan-wacan kasebut bisa ditrapake ana ing padinan. Tujuwan panliten iki yaiku kanggo njlentrehake nilai moral
sesambungane manungsa klawan Gusti Pengeran, dhiri pribadhi, lan lingkungan sosial lumantar unsur pamangune
karya sastra. Panliten iki nggunakake jinis lan wujude moral konsep Burhan Nurgiyantoro klawan metodhe teknik
analisis dhata dheskriptif kualitatif. Pamilihe teknik analisis nduweni sesambungan klawan objek kang ditliti yaiku
arupa tetembungan lan ukara. Dhata panliten iki awujud pethilan cecaturane saben paraga, monolog, lan uga narasi saka
pangripta. Asiling panliten nuduhake anane titikan-titikan sajrone karya sastra anak lan uga sirikan-sirikan kang ora
kena sajrone wacan bocah.
Tembung wigati : nilai moral, sastra anak, kalawarti, wacan bocah, fabel.