INFERENSI SAJRONE TINDAK TUTUR ILOKUSI ATUR PUJI PANGALEMBANA ING DHUSUN BABADAN, DESA TENGGERLOR, KECAMATAN KUNJANG, KABUPATEN KEDIRI

Abstract

Inferensi kalebu salah siji jinise topik saka semantik pragmatis sajrone tindak tutur. Inferensi ing penganggone basa
Jawa wis tau ditliti nanging sing njlentrehake ngenani urutane proses, lan asile inferensi durung tau ana. Inferensi upamane
sajrone tindak tutur ilokusi atur puji pangalembana ing Dhusun Babadan, Desa Tenggerlor, Kecamatan Kunjang, Kabupaten
Kediri. Tujuwan utama panliten iki kanggo ngandharake lan njlentrehake inferensi sajrone tindak tutur ilokusi atur puji
pangalembana ing Dhusun Babadan, Desa Tenggerlor, Kecamatan Kunjang, Kabupaten Kediri. Tujuwan mligi panliten iki
kanggo ngandharake lan njlentrehake urutane proses, lan asile inferensi sajrone tindak tutur ilokusi atur puji pangalembana
ing Dhusun Babadan, Desa Tenggerlor, Kecamatan Kunjang, Kabupaten Kediri. Paedah teoretis panliten iki bisa
ngrembakakake ilmu penganggone basa Jawa ing bidhang semantik pragmatis, dene paedah praktise bisa dadi salah sijine
materi kanggo nyinaoni penganggone basa Jawa mligine bidhang semantik pragmatis ing perguruan tinggi.
Panliten iki nggunakake teori semantik pragmatis. Jinis panliten iki yaiku panliten etnografi. Dhata ing panliten iki
yaiku tuturan sing ngandhut inferensi sajrone tindak tutur ilokusi atur puji pangalembana. Sumber dhata panliten iki yaiku
tindak tutur ilokusi atur puji pangalembana. Dhata diklumpukake kanthi nggunakake metodhe semak, guneman/libat cakap,
lan sadhap. Dhata dijlentrehake kanthi metodhe deskriptif. Inferensi diandharake kanthi landhesan konteks, struktur sosial,
relasi sosial, lan kahanan sosial. Asile panliten disuguhake nggunakake metodhe informal. Saka urutane proses, asile panliten
iki ana 6 jinis inferensi sajrone tindak tutur ilokusi atur puji pangalembana kanthi rincian 2 jinis diperang adhedhasar ngolah,
2 jinis adhedhasar menebake, lan 2 jinis adhedhasar mantepake. Asile inferensi dedhuktif, bisa diolehake saka ngolah kanthi
tematis, menebake kanthi general, lan mantepake kanthi similaritas. Dene asile inferensi indhuktif bisa diolehake saka ngolah
kanthi topikal, menebake kanthi spesial, lan mantepake kanthi komparitas. Panliten iki beda karo panliten sadurunge kang
ngandharake inferensi kanthi cara umum, dene panliten iki ngandharake kanthi mligi ngenani urutane proses, lan asile
inferensi. Inferensi bisa dumadi sajrone tindak tutur ilokusi atur puji pangalembana ing Dhusun Babadan, Desa Tenggerlor,
Kecamatan Kunjang, Kabupaten Kediri. Panliten iki nemokake proposisi ngenani inferensi lan tindak tutur ilokusi
atur puji pangalembana ing ilmu semantik pragmatis. Diprayogakake panliten sabanjure bisa nliti bab kasebut.
Tembung-tembung wigati: inferensi, tindak tutur ilokusi atur puji pangalembana, urutane proses inferensi, asile
inferensi.