KRENTEG SAJRONE NOVEL SINDHEN PADMI ANGGITANE TULUS SETIYADI (TINTINGAN PSIKOLOGI KAPRIBADEN LUDWIG KLAGES)

Abstract

ABSTRAK

Novel Sindhen Padmi anggitane Tulus Setiyadi mujudake salah sawijine reriptan sastra ngenani kedadeyan sajrone panguripane manungsa. Novel iki nyritakake krenteg kang dinduweni dening paraga utama. Krenteg minangka pepenginan kang gedhe lan dinduweni saben manungsa kanggo nggayuh sawijine tujuwan kang wis cetha. Adhedasar andharan kasebut underan panliten iki yaiku (1) Kepriye struktur kapribaden paraga utama?, (2) Kepriye gambaran krentege paraga utama?, (3) Apa wae pepalang kang ana nalika paraga utama mujudake krenteg?, (4) Kepriye sipat paraga utama sajrone mujudake krenteg ing novel SP anggitane Tulus Setiyadi?. Panliten iki nduweni ancas kanggo (1) Ngandharake struktur kapribaden, (2) Ngandharake gambaran krenteg, (3) Ngandharake pepalang sajrone mujudake krenteg, (4) Ngandharake sipat paraga utama sajrone mujudake krenteg ing novel SP anggitane Tulus Setiyadi.

Panliten iki kalebu panliten dheskriptif kualitatif. Teknik pangumpulan dhata nggunakake teknik maca, nyathet lan studi pustaka. Dhata panliten iki arupa ukara kang laras lan trep karo underan panliten. Sumber dhata kang digunakake yaiku novel Sindhen Padmi anggitane Tulus Setiyadi. Tata cara pengolahe dhata yaiku diklumpukake, diklasifikasi banjur dianalisis. Teori kang digunakake yaiku psikologi kapribaden, mligine teori kapribaden Ludwig Klages,.

Asiling panliten iki kaperang dadi papat. Sepisan struktur kapribaden paraga utama ana telu, yaiku temperamen sanguinis, pangrasa, lan daya ekspresi. Gegambaran krenteg paraga utama sajrone novel diperang dadi telu yaiku, ngangkat drajate kaluwarga, dadi sindhen kondhang, lan ngolehake jatukrama kang mapan. Pepalang sajrone mujudake kenteg diperang dadi telu, yaiku kacingkrangan, pendhidhikan, lan wewadi. Sipat paraga utama sajrone mujudake krenteg diperang dadi papat, yaiku pamikiran optimis, kendel, lincah, lan greget.

Tembung wigati: temperamen sanguinis, krenteg lan kapribaden.