PRESUPOSISI SAJRONE PACATURAN MAHASISWA UNESA GRUP WHATSAPP FORMAT-R

Abstract

ABSTRAK

PRESUPOSISI SAJRONE PACATURAN MAHASISWA UNESA GRUP WHATSAPP FORMAT-R

Nama : Laila Wasista Decarela

NIM : 16020114082

Prodi/Jurusan : S1/Pendhidhikan Basa lan Sastra Daerah

Fakultas : Basa lan Seni

Lembaga : Universitas Negeri Surabaya

Pembimbingan : Dr.Surana,S.S.,M.Hum

Presuposisi ing basa jawa wis tau ditliti nanging asil panliten kang mligi lan rinci ngenani presuposisi ing medhia sosial mligine WhatsApp durung ana. Presuposisi sajrone pacaturan mahasiswa Unesa grup WA Format-R mujudake pangira-ira kang tuwuh saka tuturan kang dituturake dening anggota grup WhatsApp Format-R mligine yaiku mahasiswa Unesa. Adhedasar bab kasebut, panliten iki dipunjerake ngenani presuposisi sajrone pecaturan mahasiswa Unesa grup WA Format-R. Dene undere panliten iki, yaiku: (1) Jinis presuposisi apa sajrone pacaturan mahasiswa Unesa grup WA Format-R, lan (2) Kaya ngapa asile proses presuposisi sajrone pacaturan mahasiswa Unesa grup WA Format-R. Tujuwan panliten iki yaiku ngandharake lan njlentrehake jinis lan asile presupsisi sajrone pacaturan mahasiswa Unesa grup WA Format-R. Jinis presuposisi sajrone pacaturan mahasiswa Unesa ing grup WA Format-R iki ana 6.

Panliten iki kalebu panliten etnografis komunikatif. Dhata sajrone panliten iki yaiku pacaturan mahasiswa Unesa grup WA Format-R. Teori kang digunakake kanggo ngandharake lan jlentrehake dhata yaiku teori presuposisi. Dhata kasebut saka asil nyemak lan nglumpuake tuturan pacaturan mahasiswa Unesa ing grup WA Format-R. Sabanjure, dhata kasebut dijlentreahake nganggo metodhe pragmatik.

Jinise presuposisi ing pacaturan mahasiswa Tuban grup WA Format-R iki ana 6 jinis presuposisi, yaiku: (1) Presuposisi Eksistensial, (2) Presuposisi Faktif, (3) Presuposisi Non-Faktif, (4) Presuposisi Leksikal, (5) Presuposisi Struktural, lan (6) Presuposisi Konterfaktual. Asile proses presuposisi ing pacaturan mahasiswa Tuban Format-R iki ana 2 asil presuposisi.

Tembung-tembung wigati: Presuposisi, Pacaturan mahasiswa Unesa, WhatsApp