REPRESENTASI SIKAP NASIONALISME SAJRONING NOVEL SAMPUR PAMBAYUN ANGGITANE R.TOTO SUGIHARTO : TINTINGAN POSTKOLONIAL

Abstract

Abstrak
Novel Sampur Pambayun anggitane R. Toto Sugiharto ngemot crita kang isine ngandhut tema nasionalisme. Sikap nasionalisme marang negara sajrone novel dilakoni dening saperangan paraga supaya bisa nggayuh kamardikan kanthi wani nglawan bangsa Walanda nalika jaman penjajah, mula underan sajrone panliten iki yaiku (1) kepriye wujud representasi sikap nasionalisme sajrone novel Sampur Pambayun?, (2) apa wae faktor kang mangaribawani sikap nasionalisme sajrone novel Sampur Pambayun?, (3) kepriye wujud bela negara sajrone novel Sampur Pambayun?, (4) kepriye wujud nyidrani nasionalisme sajrone novel Sampur Pambayun?. Paedah saka panliten iki nuwuhake pangerten anyar ing dunyane sastra Jawa modern. Teori sajrone panliten iki nggunakake tintingan postkolonialisme. Sumber dhata awujud novel kanthi irah-irahan Sampur Pambayun anggitane R. Toto Sugiharto. Dhatane panliten yaiku ukara lan tembung kang gegayutan karo wujud representasi sikap nasionalisme, faktor kang njalari tuwuhe sikap nasionalisme, wujud bela negara, lan wujud cidra marang nasionalisme sajrone novel Sampur Pambayun. Kanggo nganalisis dhata nggunakake metodhe deskriptif kualitatif. Asile panliten nuduhake representasi sikap nasionalisme saperangan paraga kang ana sajrone novel Sampur Pambayun diperang dadi lima, yaiku tresna marang negara, nengenake wigatine bangsa, nyengkuyung marang pambangunan, tanggung jawab marang dhiri pribadhi lan bangsa, ngutamakake ukum lan mujudake keadilan sosial, lan siyap kompetisi karo negara liya, dene asil panliten bela negara kerana nduweni sikap nasionalisme uga diperang ana papat ora wedi mati, wani nglawan bangsa penjajah, mbelani rakyat cilik (pribumi), lan ora gampang nyerah. Wujud nasionalisme lan bela negara kasebut dilakoni kerana faktor internal lan eksternal. Asil panliten sabanjure yaiku wujud nyidrani nasionalisme kang kinandhut sajrone novel Sampur Pambayun.