UJUB SAJRONE TRADHISI MANTENAN ING DESA KEDUNGSALAM KECAMATAN DONOMULYO KABUPATEN MALANG

Abstract

Ujub Sajrone Tradhisi Mantenan ing Desa Kedungsalam Kecamatan Donomulyo Kabupaten Malang

(Semiotik Strutural)

Heni Sintia Pratiwi

S-1 Jurusan Pendhidhikan Basa lan Sastra Dhaerah (Jawa), Fakultas Basa lan Seni, Universitas Negeri Surabaya

henipratiwi16020114023@mhs.unesa.ac.id

Dra. Hj. Sri Sulistiani, M.Pd.

Dhosen Jurusan Pendhidhikan Basa lan Sastra Dhaerah (Jawa), Fakultas Basa lan Seni, Universitas Negeri Surabaya

Abstrak

Ujub mujudake ukara kang diucapake dening pawongan kanthi ancas ngajatake slametan lan medhar sakabehe wujud asahan kang cumawis. Sajrone jaman modern iki masyarakat Desa Kedungsalam Kecamatan Donomulyo Kabupaten Malang isi tumemen anggone ngugemi tradhisi ujub. Panliten iki salah sijine upaya kanggo nguri-uri kabudayan Jawa mligine ngenani tradhisi ujub sajrone tradhisi mantenan (TM kang ana ing Desa Kedungsalam. Cundhuk karo andharan kasebut underane saka panliten iki yaiku: 1) kepriye wujud ujub sajrone TM ing Desa Kedungsalam, Kecamatan Donomulyo, Kabupaten Malang; 2) kepriye makna simbolik sajrone ujub ing TM; 3) kepriye nilai budaya ujub sajrone TM, 4) kepriye upaya pelestarian ujub sajrone TM.Adhedhasar underane panliten kasebut panliti nduweni tujuwan yaiku: 1) njlentrehake wujud ujub sajrone TM, 2) njlentrehake makna simbolik sajrone ujub ing TM, 3) njlentrehake nilai budaya ujub sajrone TM, 4) njlentrehake upaya pelestarian ujub sajrone TM.

Kanggo ngonceki underane panliten sajrone tradhisi ujub nggunakake teori lan konsep ing antarane, konsep kabudayan saka Koentjaraningrat (2009), konsep semiotik struktural Hoed (2011), konsep nilai budaya Tumanggor (2010), lan konsep nglestarekake budaya Koentjaraningrat (2010). Panliten iki nggunakake ancangan panliten kualitatif kanthi analisis dheskriptif, migine kajian kabudayan Objek kang ditliti tuturan ujub. Instrumen panliten yaiku panliti, pedoman observasi, lan daftar pitakonan. Teknik panglumpukane dhata kanthi cara observasi, wawancara, rekaman, dhokumentasi, lan transkripsi.

Panliten iki nggunakake ancangan panliten kualitatif kanthi analisis dheskriptif, migine kajian kabudayan Objek kang ditliti tuturan ujub. Instrumen panliten yaiku panliti lan daftar pitakonan. Teknik panglumpukane dhata kanthi cara observasi, wawancara, rekaman, dhokumentasi, lan transkripsi. Asil saka panliten iki yaiku wujud ujub sajrone TM ana ing perangan pasang tratag, manggulan, tebus kembar mayang, sembaga, guna kaya, babare sekul jemuk lan buceng robyong, sepasaran. Makna ujub ana ing saben perangan asahan kang cumawis ing slametan. Nilai budaya sajrone ujub yaiku nilai teori, ekonomi, agama, seni, kuwasa, lan solidaritas. Cara kanggo nglestarekake budaya bisa lumantar internalisasi, sosialisasi, lan enkulturasi. Panliten iki dadi wujud panyengkuyung kanggo nguri-uri budaya Jawa supaya ora cures.

Tembung wigati: ujub, tradhisi, mantenan, semiotik struktural.