Kriminalitas sajrone Novel Kepanggang Wirang Anggitane Tiwiek SA

Abstract

Panliten iki ditindakake kanthi tujuan, supaya bisa mangerteni kepriye ta isine kriminalitas sajrone Novel Kepanggang Wirang lan kepriye sesambungane kriminalitas sajrone Novel Kepanggang wiring karo kahanan ing bebrayan iki. Kamangka sejatine, sastra iku mujudake gambaran panguripan sing diripta lumantar medhia tulisan. Ana sesambungane kang raket antarane sastra lan panguripane masyarakat, amarga sastra nduweni fungsi social sastra yaiku crita sajrone karya sastra kajupuk saka panguripane masyarakat.

Saliyane iku ing panliten iki gunakake teorie Abdulsyani sajrone Sosiologi didalam Perubahan Masyarakat. ing kene Abdulsyani merang kriminalitas dadi papat yaiku kriminalitas fisik, kriminalitas, psikis, kriminalitas, ekonomi, lan kriminalitas seksual.

Metode sing digunakake sajrone panliten iki yaiku, sajrone sumber dhata sing digunakake sajrone panliten iki dibedakake dadi loro , yaiku dhata primer lan dhata sekunder . Sumber dhata primer yaiku Novel Kepanggang Wirang anggitane Tiwiek SA. Dene sumber dhata sekunder yaiku arupa buku, artikel-artikel, internet, lan liya liyane. Dene dhata sing digunakake uga kaperang dadi loro yaiku dhata primer lan dhata sekunder. Dhata primer yaiku arupa dialog antarane paraga, tembung, ukara, paragrap, lan liya-liyane ing gegayutan karo underane panliten. Dene dhata sekunder kan arupa konsep sesambungane novel karo kahanan sing ana ing bebrayan lumantar konsep Abdulsyani. Tata cara sajrone ngumpulake dhata kang digunakake sajrone panliten iki yaiku kanthi cara nggunakake tekhnik kapustakan. Kanggo nganalisis dhata, panliten iki nggunakakemetode analisis dheskriptif. Methode analisis deskriptif ditrapake nalika sakabehe dhata saka sakabehe sumber wis dikumpulake.