Mbandingake Legendha Roro Mendut Pranacitra lan Legendha Jayaprana Layonsari: Tintingan Sastra Bandhingan

Abstract

Legendha minangka bageyan saka crita rakyat sing awujud folklor sastra lisan sing dicritakake saka mulut ke mulut. Nanging amarga anane perkembangan jaman, crita rakyat sing awujud legendha saiki bisa didadekake sastra tulis bentuk buku utawa majalah. Tekan akehe legendha nusantara, ana saperangan legendha sing isi lan akiran critane akeh sing saemper. Salah sijine legendha Jayaprana Layonsari saka Bali lan legendha Roro Mendut saka Jawa Tengah. Rong legendha kasebut sing paling onjo yaiku alur, latar lan wewatakane paraga. Ancas panliten iki yaiku supaya bisa mahami lan mangerteni alur, latar, lan wewatakane paraga sajrone legendha Roro Mendut Pranacitra lan legendha Jayaprana Layonsari. Panliten iki migunakake tintingan sastra bandingan.

Metodhe kang digunakake sajrone panliten iki yaiku metodhe deskpritif analisis komperatif. Metodhe iki dilakokake kanthi cara ngejlenterhake fakta-fakta sing disusul karo analisis, banjur diidentifikasi lan dibandhingake. Sumber dhata lan dhata sajrone panliten iki yaiku buku crita legendha anggitane Ineanrah Hs kanthi irah-irahan Roro Mendut lan buku cerita legendha anggitane Atisah kanthi irah-irahan Jayaprana. Teknik nglumpukake dhata lan analisis dhata dilakokake kanthi cara nemtokake dhata, nyatet, identifikasi, maca kutipan, lan verifikasi.

Asil panliten iki yaiku bisa mahami lan mangerteni (1) kepriye bedane alur wiwitane crita, tuwuhe crita, konflik wiwit ngrembaka, klimaks, lan penyelesaiane sajrone legendha Roro Mendut Pranacitra, lan legendha Jayaprana Layonsari, (2) kepriye bedane latar panggonan, wektu, lan swasana sajrone legendha legendha Roro Mendut Pranacitra, lan legendha Jayaprana Layonsari, (3) kepriye bedane wewatakane saben paraga wiwit paraga utama sing protagonis, antagonis, kanthi wewatakane paraga pambiyantu sing ana ing sajrone legendha Roro Mendut Pranacitra, lan legendha Jayaprana Layonsari. Saka asil panliten iki bisa bisa didudut yen anane pambandhingan ngenani unsur intrinsik sing paling onjo saka rong legendha kasebut. Saliyane kuwi uga bisa mahami lan mangerteni apa wae babagan kang padha wiwit alur, latar, lan wewatakane saben paraga sing ana ing sajrone legendha Roro Mendut Pranacitra lan legendha Jayaprana Layonsari.

Kata Kunci: Crita rakyat, legenda, sastra bandingan