Tradhisi Bedhah Sumber Minangka Sarana Nglestarekake Budaya Ing Desa Sumberjo Kecamatan Sanankulon Kabupaten Blitar

Abstract

ABSTRAK 

Tradhisi bedhah sumber yaiku upacara adat kang nduweni ancas kanggo nglestarekake alam lan budaya. Durung akeh pawongan kang mangerteni tradhisi bedhah sumber. Underane panliten iki yaiku (1) mula bukane tradhisi bedhah sumber, (2) makna lan ancas dilaksanakake tradhisi bedhah sumber, (3) prosesi tradhisi bedhah sumber, lan (4) cara nglestarekake tradhisi bedhah sumber ing Desa Sumberjo, Kecamatan Sanankulon, Kabupaten Blitar. Ancase panliten iki yaiku njlentrehake interaksi antarane manungsa lan lingkungan alam. Panliten iki nggunakake metodhe deskriptif kualitatif kanthi teori ekologi budaya Steward. Sumber dhata sajrone panliten iki yaiku sumber dhata primer lan sumber dhata sekunder. Sumber dhata primer diolehake saka observasi lan wawancara kanthi langsung marang sesepuh uga pamangku praja Desa Sumberjo. Dhata sekunder kajupuk saka artikel lan jurnal kang gegayutan karo tradhisi bedhah sumber. Asil panliten iki yaiku tradhisi bedhah sumber nduweni piguna kang gedhe tumrap panguripane manungsa, yaiku kanggo ngolehake banyu kang resik saengga bisa nyukupi kebutuhan saben dina.

Kata Kunci: Tradhisi, Bedhah Sumber.