PANGREMBAKANE MEDIA ANIMASI GAMBAR ING PASINAON NYEMAK CRITA CEKAK SISWA KELAS VII SMP NEGERI 3 NGANJUK TAUN AJARAN 2012/2013

Abstract

ABSTRAK

Salah sijine cara kanggo nguwasani uga njaga lestarine basa kasebut yaiku kanthi disinaoni lan digunakake

nalika sesrawungan ing lingkungan kulawarga, masyarakat lan sekolah. Mula saka iku, basa Jawa didadekake mata

pelajaran muatan lokal wajib kanggo sekolah-sekolah ing Jawa Timur. Materi muatan lokal basa Jawa nyakup

patang aspek katrampilan basa yaiku nyemak, micara, maca, lan nulis. Nyemak mujudake salah siji saka katrampilan

basa kang wigati lan kudu diduweni dening para siswa. Siswa kelas VII SMP Negeri 3 Nganjuk minangka objek

panliten, mujudake siswa kang ora seneng karo pasinaon sing monoton, sing ndadekake bosene siswa saengga ora

nduweni greget kanggo sinau basa jawa. Mula saka iku, panulis bakal mbiyantu guru kanthi ngrembakakake media

pasinaon kanthi migunakake media animasi gambar kanggo lelantaraning guru medharake materi pasinaon lan

menehi fasilitas proses pasinaon supaya nggampangake siswa nampa lan mangerteni materi sing diwulangake.

Panliten pangembangan media sadurunge uga ana kang ngembangake media kanggo katrampilan nyemak (Ulfa

Rahmawati, 2008. “Pengembangan Media Flash ing Piwulangan Nyemak Drama Tradhisional Jawa Siswa Kelas

VIII SMP Muhammadiyah 4 Surabaya Taun Ajaran 2011-2012”). Media kang digunakake uga meh padha, bedane

panliten sadurunge nggunakake media audiovisual, dene ing panliten iki nggunakake media animasi gambar

minangka pangembangan saka media audiovisual. Media audiovisual kang dikembangake ing kene yaiku animasi

gambar kang awujud foto.

Rancangan model panliten kang digunakake sajrone pangembangan animasi gambar sajrone materi nyemak

crita cekak yaiku rancangan model pangembangan miturut pamawase Sadiman. Model panliten pangembangan

kasebut ana 7 tahap yaiku idhentifikasi kabutuhan lan karakteristik siswa, ngrumusake tujuwan, ngrumusake butir-

butir materi, ngembangake alat pangukur kanggo asil sinaune siswa, nulis naskah media, nindakake tes lan revisi,

lan produksi. Rancangan panliten pangembangan kasebut nggunakake metode panliten kualitatif kang arupa data

verbal kang dijupuk saka asil observasi. Kanggo asil tes lan angket nggunakake metode kuantitatif kang dianalisis

kanthi rumus-rumus statistik.

Asil saka panliten iki nuduhake kepriye proses pangrembakane media animasi gambar wiwit idhentifikasi

kabutuhane siswa, nganti tumekan media animasi gambar siyap produksi sing dikemas ing sajrone kaset CD. Media

animasi gambar dibiji kanthi nduweni kuwalitas sing kalebu ing kategori apik banget. Dibuktekake saka asil validasi

media dening ahli media kang menehi biji rata-rata 84 kanggo aspek komponen konstruksi perangkat lunak, lan uga

biji rata-rata 84 kanggo aspek komunikasi visual. Saka pambijine validasi materi menehi pambiji kanthi biji rata-rata

86 marang aspek komponen kompetensi, lan biji rata-rata 84 marang aspek pangandharane media.

Efektifitas media animasi gambar sing dimangerteni saka asil pangamatan aktivitas guru lan aktivitas siswa, respon

siswa, lan dijangkepi karo asil tes sinau siswa nggunakake media animasi gambar. Saka pangamatan aktivitas guru

nuduhake biji rata-rata kang apik banget kanthi persentase rata-rata 84%, lan pangamatan aktivitas siswa uga

nuduhake biji apik banget kanthi persentase rata-rata 80,6. Pambiji saka siswa uga diolehake saka asil angket respon

siswa kang njangkepi kompetensi, kanthi skor rata-rata 2,63. Ing pasinaon nggunakake media animasi gambar 1 biji

rata-ratane siswa kelas VIIA yaiku 76,21, biji kasebut kalebu kriteria apik. Ing kelas VIID nalika nggunakake media

animasi gambar 1 ngolehake biji rata-rata 72,03 uga kalebu ing kriteria apik. Ing panganggone media animasi

 

gambar 2, ing kelas VIIA ngolehake biji rata-rata kelas 78,7 kriteriane apik, lan ing kelas VIID ngolehake biji rata-

rata 80,07. Saka iku nuduhake menawa biji rata-ratane siswa saya apik lan saya mundhak nalika nggunakake media

animasi gambar.