KESENIAN BANTENGAN ING TLATAH KABUPATEN KEDIRI LAN KABUPATEN MOJOKERTO (ANTROPOLOGI SIMBOLIK)

Abstract

Abstrak

Jawa Timur nduweni kesenian tradhisional kang akeh lan ana fungsine gegayutan karo adicara adat sawijining desa, saengga katon pantes dilestarekake lan dijaga sarta dirembakake. Kaya dene ing Kabupaten Kediri lan Kabupaten Mojokerto ana seni tradhisional bantengan. Seni bantengan yaiku sawijining seni pagelaran budaya tradhisi kang sesambungane karo unsur sendratari, olah kanuragan, tembang, lan syair/mantra. Seni bantengan ngandhut makna kang apik sarta bisa digunakake minangka tuladha tumrap tumindak lan solah bawane manungsa sajrone panguripan saben dinane. Saliyane kuwi, seni bantengan uga nduweni fungsi kang gedhe tumrap masyarakat panyengkuyunge, saengga seni bantengan iki bisa ngrembaka nganti ing tembe. Metodhe kang digunakake sajroning panliten, yaiku dheskriptif komparatif kang dianakake objek lan papan panggonan panliten. Ngumpulake dhata kang dibutuhake, kanthi nggunakake teknik, kayata: teknik observasi, teknik wawancara, teknik dhokumentasi saengga dhata kang dibutuhake bisa luwih cetha. Tatacara nganalisis dhata yaiku nggunakake analisis dheskriptif komparatif. Asil panliten kang bisa dikumpulake yaiku andharan saka underaning panliten lan seni bantengan iki sawijining sarana kanggo sesambungan antarane masyarakat karo dhanyang. Tatalaku pagelaran Kabupaten Kediri lan Kabupaten Mojokerto kaperang dadi 4, yaiku: (1) pra-pambuka, (2) pambuka, (3) inti, lan (4) panutup. Wujud kang digunakake sajroning pagelaran seni bantengan bisa dideleng siji kesatuwan unsur pola sajronng pagelaran kayata ubarampe (sesajen), gamelan pangiring, alat kang digunakake. Perangan kaya mangkono ana mempere karo seni bantengan ing adicara liyane kayata ing adicara kitanan, nikahan, lan liya-liyane. Makna simbolik sajroning seni bantengan dijlentrehake adhedhasar ubarampe. Makna kang kinandhut sajroning ubarampe (sesajen) yaiku pangarep-arep supaya dadi manungsa kang bisa ngolehi kautaman urip ing donya lan akherat lan adoh saka bebaya. Fungsi seni bantengan Kabupaten Kediri lan Kabupaten Mojokerto diperang dadi loro, yaiku: fungsi manifes lan fungsi laten. Fungsi manifes kayata (1) minangka hiburan, (2) sarana pendhidhikan, (3) nglestarekake kabudayan Jawa, (4) nuwuhake rasa kerukunan antar sasama. Fungsi laten kayata: (1) anane wong judi, (2) tawuran, lan 3) ngombe.

Abstrak

Seni bantengan adalah salah satu seni pagelaran budaya tradisi yang menggabungkan unsur sendratari, olah kanuragan, lagu, dan syair/mantra. Seni bantengan mengandung makna yang baik serta dapat dipakai sebagai contoh terhadap tindakan dan sikap manusia dalam kehidupan sehari-hari. Selain itu, seni bantengan juga mempunyai fungsi yang besar terhadap masyarakat pendukungnya, sehingga seni bantengan ini bisa eksis atau terkenal sampai sekarang. Metode yang digunakan didalam penelitian yaitu deskriptif komparatif yang dilakukan di objek dan tempat penelitian. Mengumpulkan data yang dibutuhkan menggunakan beberapa teknik yaitu teknik observasi, teknik wawancara, teknik dokumentasi sehingga data yang dibutuhkan bisa jelas. Tatacarra menganalisis data yaitu menggunakan analisis deskriptif komparatif. Hasil penelitian yang bisa disimpulkan yaitu penjelasan dari rumusan penelitian dan seni bantengan ini salah satu sarana untuk komunikasi antara masyarakat dengan roh leluhur. Tatalaku pagelatan di Kabupaten Mojokerto tersusun dari pra-pembukaan, pembukaan, inti, dan penutup. Alat yang digunakan di dalam pagelaran seni bantengan bisa dilihat dari satu kesatuan unsur pola seperti sesajen, iringan gamelan, dan alat yang digunakan. Bagian yang seperti itu cocok dengan seni bantengan di acara lainnya seperti acara kitanan, pernikahan, dan lainnya. Makna simbolik seni bantengan dijelaskan berdasarkan sesajen. Makna yang terkandung didalam (sesajen) yaitu pengharapan agar menjadi manusia yang bisa memperoleh keutamaan hidup di dunia dan akhirat serta jauh dari bahaya. Fungsi seni bantengan Kabupaten Kediri dan Kabupaten Mojokerto dibagi menjadi 2, yaitu: fungsi manifes dan fungsi laten. Fungsi manifes seperti: (1) sebagai hiburan, (2) sarana pendidikan, (3) melestarikan kebudayaan Jawa, (4) menumbuhkan rasa kerukunan antar sesama. Fungsi laten seperti: (1) ada yang berjudi, (2) berkelahi antar sesama, dan (3) minum-minuman keras (mabuk).

Kata Kunci: filsafat Jawa, antropologi, semiotik, fungsi.